鶴旭 (已結業)

呢排轉左新Office，近住大角咀，當然要去大角咀最Explore一下啲正嘅餐廳。呢日放工之後就去咗呢間日式小店到食dinner。打開餐牌，見到除咗拉麵都有好多選擇，例如咖喱飯同埋小食等。今次點左慢煮雞原湯叉燒拉麵，呢個拉麵都算幾抵食，佢嘅湯底濃郁，啲料都幾多，有黑木耳、溏心蛋、兩片叉燒、兩片慢煮雞肉，仲有爽口彈牙嘅拉麵，唔錯。另外仲有日式吉列咖喱炸蝦飯，呢個炸蝦飯望落去色彩豐富，令人食慾大開，三隻又大又脆嘅炸蝦配搭幾款蔬菜，包括西蘭花、粟米仔同埋蕃茄仔，非常健康，在撈埋咖喱汁一齊食，好開胃。配埋啤酒，一流！