影片
更多
2015-09-16
569 浏览
是日同好友打邊爐聚, 其它幾間比較老字號嗰D試得多, 今次試下呢間前家樂, 同負責人吹開水, 原來前家樂係想做 打邊爐既<前>衞, 俾人有<家>既感覺 同咪要大家都快<樂>, 其實都係一個幾好既理念黎既, 甘打邊爐就係想成班朋友開開心心甘食野, 我都同意既講番正題, 食店環境以打邊爐店黎講吾錯, 應該可以坐到四五十人, 大部分都係長枱. 雖吾算裝修好靚但感覺舒服既. 我地一行三人點左好多野食.野飲方面都係啤酒汽水茶之類, 另外仲有紅白酒可點, 我地就點左普通枝裝飲料待應介紹我地試下佢個雞煲 所以我地點左半隻雞煲, 你可以TICK咩葱，麻， 芫茜既多少， 幾得意， 我地全部點左適中， 再加上中辣， 雞煲好香，亦有麻子同頭先講過既材料 但中辣對四川食物黎講不算辣但夠味， 雞肉有１０零件算足料而且係用三皇雞， 所以雞肉比較滑，吾錯！食完雞煲就用同一個煲打邊爐， 由於沖淡左個雞煲味， 所以越煲就越吾辣， 鍾意食辣既朋友就建議叫待應加多Ｄ醬 ， 我地點左兩款牛肉， 手切牛， 切得大大片， 脂肪同肉質成３７ 之比， 所以好有口感同牛肉味比較濃， 吾錯
講番正題, 食店環境以打邊爐店黎講吾錯, 應該可以坐到四五十人, 大部分都係長枱. 雖吾算裝修好靚但感覺舒服既.
我地一行三人點左好多野食.野飲方面都係啤酒汽水茶之類, 另外仲有紅白酒可點, 我地就點左普通枝裝飲料
待應介紹我地試下佢個雞煲 所以我地點左半隻雞煲, 你可以TICK咩葱，麻， 芫茜既多少， 幾得意， 我地全部點左適中， 再加上中辣， 雞煲好香，亦有麻子同頭先講過既材料 但中辣對四川食物黎講不算辣但夠味， 雞肉有１０零件算足料而且係用三皇雞， 所以雞肉比較滑，吾錯！
食完雞煲就用同一個煲打邊爐， 由於沖淡左個雞煲味， 所以越煲就越吾辣， 鍾意食辣既朋友就建議叫待應加多Ｄ醬 ， 我地點左兩款牛肉， 手切牛， 切得大大片， 脂肪同肉質成３７ 之比， 所以好有口感同牛肉味比較濃， 吾錯
另外加拿大牛肩， 呢個肉味比較啖， 但質感係多脂肪同軟身，係同手切吾同ＳＴＹＬＥ既好味.
炸魚皮同炸響玲, 炸魚皮抵讚 好脆, 就算吾放邊爐就甘食都吾錯.!, 炸響玲都OK, 放落湯入面兩三秒就林, 證明, 個皮炸得薄同脆.!
金菇, 粟米 同芝士竹輪, 金菇本身洗得乾淨同新鮮已經OK, 粟米好甜吾錯, 我平時吾食粟米都食到幾舊, 芝士竹輪好正, 就係釀左好多芝士既獅子狗, 呢個一定要點, D 芝士味好濃好正.!!!
鮮魷魚, 魷魚新鮮而且夠多肉, 又夠爽口彈牙, 要黎打邊爐一流
墨魚滑, 質感比較有咬口同密度高, 食得出裏面既墨魚新鮮同有一粒粒墨魚肉係入面, 所以食落更彈牙.!
大蜆, 蜆肉新鮮而且冇沙, 就好似去摸蜆嗰D沙白既味道一樣.!
西生菜, 本身生菜夠新鮮.同咪同好多
花膠 比出面食嗰D更夠林, 同入味, 煮得耐好快會溶左海蝦, 好新鮮而且算大隻, 蝦頭既膏都好正.
脆鯇魚腩, 呢個好味, 好爽口咬落去SUKSUK 聲, 就好似食緊平時既脆鯇再加點兒腩肉位既脂肪一樣, 吾錯.!!
總括而言, 呢間食店食物新鮮, 對比番質素價錢亦吾貴, 係打邊爐一個吾錯既選擇黎.!
张贴
