明日花 (已結業)

唔知用咗OpenRice幾多年，終於寫第一篇食評。直接啲講，呢一間係一間街角串燒店，堂食嘅話只係坐喺街邊，冇冷氣，熱天千祈唔好帶女友去，大大碗蟹麵等緊你。食物：7/10環境：2/10人性：10/10父親節左近嗰幾日原本諗住想食太子陵記打冷，過到去先知冇開。跟住再搵吓周圍有咩好食，諗住去夜見睇睇有冇位，當然喺門口就俾人截住啦。之後行多兩步就見到街邊有檔串燒，行近啲睇吓餐牌，見到有個父親節套餐二人前$288🤪見有幾多嘢食，再同老闆確認價錢同份量之後就叫咗1 set… 講真一坐低見個價錢同格局其實係冇乜期望，只不過係之前啲餐廳都摸門釘。第一道上嘅係白鱔，喂唔錯喎，脆皮肉嫩，趕唔切影相就食晒。之後上個牛脷心… 七成熟，外層有啲焦香入邊又係好juicy… 好得。跟住再嚟幾串串燒，ok la 但印象唔深刻。直至到燒雞，火候又係控制得好好，最細心係已經將雞髀雞翼雞髀嘅骹位已經甩開咗，非常方便進食。跟住開始飲酒同兩位老闆吹吓水,知道原來係兩位年青人啱啱開始創業，我覺得佢哋啲食物都反映到佢哋初心，cp值超高。我會提議幾個麻甩佬自己落嚟食，ghetto guys night!佢哋個麻辣醬係自己炒嘅，鍾意食