影片
更多
2021-06-29
1219 浏览
話說今日小弟同女友人黎左大角咀, 之前都係呢頭食過好多唔同既餐廳, 但都係d泰式fusion多. 今次我地經朋友推介黎左呢間日西式fusion料理.. 就睇下佢有幾特別. 呢度環境甚有居酒屋風, 外圍全落地大玻璃好有feel. 野食方面我地叫左里昂沙律，刺身吞拿魚配柚子汁，烤西班牙黑毛豬肋排，魚子醬虎蝦海鮮意粉，烤牛肉墨西同哥夾餅，牛舌串燒同燒牛仔骨。飲品就叫左Ka Sin Street同 Hot Here. 兩杯既Cocktail.. 味道方面個刺身吞拿魚好fresh配埋個柚子汁食真係開胃極了, 個烤西班牙黑毛豬燒得幾好，生熟度剛好食落有炭味好juicy. 個墨西哥夾餅好酸甜香口. 佢既燒物都唔錯d牛舌超厚實同牛仔骨都好入味, 女友食個魚子醬虎蝦海鮮意粉就creamy得黎好足料真係好多魚子醬係面. 兩杯cocktail都好特別， 明顯係呢間餐廳自己tune出黎既fusion. 風味， ka sin street最特別， 佢有青瓜片係入面好清新,但又夾d苦澀酒味中又帶點檸檬香唔錯.. 食到最後我地叫左個蘋果金寶伴雪糕, 鋪頭職員會即場幫你顏碎個甜筒再撈埋d蘋果批好美感同埋味道都幾夾..
张贴
