影片
更多
2012-08-07
31 浏览
放左一個鐘頭狗，本來八成飽變左做七成，又係時候食甜品喇。早排都有o係 Openrice 見到新開左呢間甜嫂 , 返開黎當然要試下啦o係放低兩小狗後已經行過去視察環境同拎 menu 睇定食乜嫁喇我地 10:30pm 左右去到 , 出奇地無乜客 , 照計地點無問題丫 ...呢個舖位以前都係食甜品o既 , 都幾出名添 , 應該幾多人行黎呢邊喎店內環境都唔錯 , 好光猛 , d 位唔迫又夠冷氣 , 唔通係門口出事 ??呢間地舖上面o既大廈以及附近都有好多 " 棚 " 搭緊 ,我地都係o係搵朋友屋企o既時候先無意中見到有個 " 嫂 " 字燈箱又或者 , 係因為新開所以仲未多人搵到黎 ?? 唔理咁多喇相信只要食物有水準 , 就可以成為受歡迎食店 ^^1, 奇異果撈面 ~ 撈面o既面係蒟蒻做o既 , 係健康食品, 另可選配水晶條 , 蒟蒻面似幼身拉面 , 口感無我想像中咁 QQ 咁爽口 , 新鮮奇異果打冰打成汁底 , 淋上面線後加上珍珠 , 蘭香子同奇異果片說真的賣相唔係幾 OK , 淡黃淡綠又有 D 黑色粒粒 ( 奇異果籽 )勝在味道夠 Fresh , 奇異果汁底o既酸味可以證明係無加糖水本身 d
早排都有o係 Openrice 見到新開左呢間甜嫂 , 返開黎當然要試下啦
o係放低兩小狗後已經行過去視察環境同拎 menu 睇定食乜嫁喇
我地 10:30pm 左右去到 , 出奇地無乜客 , 照計地點無問題丫 ...
呢個舖位以前都係食甜品o既 , 都幾出名添 , 應該幾多人行黎呢邊喎
店內環境都唔錯 , 好光猛 , d 位唔迫又夠冷氣 , 唔通係門口出事 ??
呢間地舖上面o既大廈以及附近都有好多 " 棚 " 搭緊 ,
我地都係o係搵朋友屋企o既時候先無意中見到有個 " 嫂 " 字燈箱
又或者 , 係因為新開所以仲未多人搵到黎 ?? 唔理咁多喇
相信只要食物有水準 , 就可以成為受歡迎食店 ^^
1, 奇異果撈面 ~ 撈面o既面係蒟蒻做o既 , 係健康食品, 另可選配水晶條 ,
蒟蒻面似幼身拉面 , 口感無我想像中咁 QQ 咁爽口 ,
新鮮奇異果打冰打成汁底 , 淋上面線後加上珍珠 , 蘭香子同奇異果片
說真的賣相唔係幾 OK , 淡黃淡綠又有 D 黑色粒粒 ( 奇異果籽 )
勝在味道夠 Fresh , 奇異果汁底o既酸味可以證明係無加糖水
本身 d 面係無味o既 , 所以要真係好似食面咁用匙不住連汁食
幾特別o既 , $ 26 , 份量都唔少 , 合理價錢合格味道
2. 榴槤糯米卷~ 好香好好味 ! 好足料 ! 糯米卷真係只卷o係最外層
而唔係好似卷蛋咁一直卷到入面 , 咁樣會多餡 d ,
口感仲正過食糯米糍 , 唔使食落去糯米皮多過榴槤肉
榴槤肉又香又甜 , 正 !! 撒上椰絲o既糯米皮亦相當煙韌柔軟
$ 30 / 4 件 , 鍾意食榴槤o既一定唔會覺得貴 =)
3. 宇治雪糕紅豆冰~ 一人 KO 四件糯米卷 , 當然要叫 d 飲品清一清甜膩感
呢杯宇治雪糕紅豆冰正合我意 , 用上清香o既苿茶加成冰
加入一球此店標明所有甜品採用o既 Milk Top 雪糕 ,
而宇治就當然係配上綠茶雪糕啦 , 再有 prefect match 紅豆粒
成杯飲品就係靠雪糕同紅豆溶入茶味沙冰度帶出o既微甜
清得黎有雪糕o既軟滑 , Milk Top 雪糕奶味唔重所以茶味突出
雪糕無令到杯茶冰變得混沌 , 依然好解渴 , 再多d 紅豆可以o趙下就仲正 ^^
## 今日大角咀之行真係餐餐都好滿意 , 所以話 ...大角咀除左班狗友之外 , 美食都好令我地懷念 ,
呢間甜嫂除左甜品 , 仲有賣小食 , 好 arm 我地放狗後黎宵夜呀 =)
张贴
