味千拉麵 (已結業)

今晚同朋友0係度食,4個人,一人一碗麵再加2個小吃.4碗麵包括:大蝦拉麵,豬軟骨拉麵,帶子拉麵同豚肉拉麵.小吃就係:手造餃子,韓式八爪魚.總共食0左180蚊.個大蝦拉麵賣相唔錯,隻蝦真係好大隻...總共2隻,但係大到可以食得飽的,麵放0左辣醬,配埋d蝦食,都好野味.豬軟骨好軟,煮得好入味.帶子拉麵好多料,d帶子鮮美,不過帶子裙好似多得濟.豚肉拉麵0既豚肉好滑同好多...個餃子等0左好耐都未有,問第一次,個女仔check都唔check就話上緊架喇,等多陣.等到食完咁濟再問,問番幫我地落單個男仔,佢先話"oh,唔好意思,唔記得落單"....之後個男仔俾部長鬧,但我覺得抵鬧0既係個女仔囉...上之後,出哂煙,好夠熱.d餃子几好食,皮好薄,餡好多,仲有d蒜味呢~而個韓式八乏魚就一般啦,係泡菜味,不過同八乏孫好似唔太夾.今晚食得都ok啦,雖然佢都有做錯0野,但其他方面0既服務都唔錯,加茶加得好密,都叫有禮貌.