DALLOYAU

营业中

休息中

一開始要先致歉先，因為一直都唔知呢間野個名點叫，自制左個《大蘿柚》呢個名俾佢。第二，當大家睇完呢篇野時，應該大家已經無機會享受相同優惠。今日本身去海港城食信用卡優惠半價雪糕🍦，但機緣巧合下知道呢間同樣有做雪糕優惠，所以今埋晚飯後就過黎試一試佢平時一個雪糕要$50，今日佢做買一送一，但送就一定係新口味的Raspberry。計返平衡只需$25一個，唔係唔試掛。叫左一個朱古力味，佢地朱古力本身都出名，個雪糕都做到好高水準，味道夠濃唔太水，同有唔少分店的G字頭果間比有過之而無不及。Raspberry 都唔錯，應該有落新鮮果肉，因為雪糕入面有點點果籽，個人覺得朱古力味啱男仕，呢個比較啱女仕，所以情侶黎就一人一杯啱駛爭。今日應該買的人都唔少，所以到差唔多包尾的我（尾4位客人），雪糕整唔切，要比平常等多少少時間先有得食。空閒時間影左佢地個雪糕，d蛋糕同朱古力都幾吸引，希望有機會試試再同大家分享。最後免費幫佢地賣個廣告，佢地係有做月餅，而15號前買仲有個早鳥優惠。不過我個人比較傳統，應該都唔會一嚐佢地個月餅。