桔梗 (已結業)

成日見到桔梗排長龍，今日特登係openrice book左位先，去到唔洗等^_^二人餐好吸引，有前菜，兩款主食同甜品，全部份量都好大！細食既朋友建議三個人先叫二人餐，淨係前菜都有沙律，麵包（有四件)同帶子，帶子好好食。主食揀左燒牛仔骨同豬頸肉燉飯，燉飯好似risotto, 個蕃茄汁好開胃，豬頸肉好大塊，成個飯份量大，全靠豬先生大食先食得晒牛仔骨又係好多，有四件，好唸，唔會好韌，而且醃得好入味最後去到食甜品豬師奶已經宣布陣亡，甜品仲要有兩款，心太軟好香濃，不過冇流心效果大食情侶叫二人餐岩岩好，仲有手工啤飲