影片
更多
2013-04-02
253 浏览
今日揸車同屋企人黎到大埔大美督玩、吸下新鮮空氣。黎到大美督沿途見到周圍都係村屋，周圍人好多，可能係公眾假期嘅關係！原本我地都以為大尾督會冇乜野好食，地方偏僻關係好難開到餐廳。點知原來都有幾多餐廳選擇，不過啲餐廳緊係唔係太靚啦！有啲仲係一間村屋用最底果層做餐廳，放啲椅桌就算，有啲簡陋。我好辛苦先放得低部車(停車場爆哂周圍都有人等位，連路邊都有人泊 *但會被抄牌)，之後我地就諗住食個下午茶先玩。見到好多間都係茶餐廳咁既款，唔係太吸引我地。所以我地最終入咗Pataya依間食泰國菜嘅餐廳，因為好似相比起好似較為特別之後我地坐低見到依張下午茶餐牌，食物竟然都係似茶餐廳食到嘅野 有少少失望。之後我地問佢攞平時個餐牌睇，先覺得似番泰國菜。我地一共叫咗兩個茶餐同埋一個串燒拼盤。墨魚丸河粉配凍檸茶，墨魚丸河粉味道一般，冇乜特別，分量適當，有芽菜同白蘿蔔。豬頸肉金邊粉配凍檸茶，豬頸肉烤到金黃色、好香，食食下浸咗入湯，但都唔會變到過軟同冇囗感，仍然香口！金邊麵就相對太軟、冇口感、唔夠彈牙。依道泰式沙嗲串燒包哂豬、雞同牛，價格為$78。沙嗲汁幾好食，好有泰式風味。雞肉都幾好囗感，但牛肉同豬肉就難咬啲，食得有啲
我好辛苦先放得低部車(停車場爆哂周圍都有人等位，連路邊都有人泊 *但會被抄牌)，之後我地就諗住食個下午茶先玩。見到好多間都係茶餐廳咁既款，唔係太吸引我地。所以我地最終入咗Pataya依間食泰國菜嘅餐廳，因為好似相比起好似較為特別
之後我地坐低見到依張下午茶餐牌，食物竟然都係似茶餐廳食到嘅野 有少少失望。之後我地問佢攞平時個餐牌睇，先覺得似番泰國菜。我地一共叫咗兩個茶餐同埋一個串燒拼盤。
墨魚丸河粉配凍檸茶，墨魚丸河粉味道一般，冇乜特別，分量適當，有芽菜同白蘿蔔。
豬頸肉金邊粉配凍檸茶，豬頸肉烤到金黃色、好香，食食下浸咗入湯，但都唔會變到過軟同冇囗感，仍然香口！金邊麵就相對太軟、冇口感、唔夠彈牙。
依道泰式沙嗲串燒包哂豬、雞同牛，價格為$78。沙嗲汁幾好食，好有泰式風味。雞肉都幾好囗感，但牛肉同豬肉就難咬啲，食得有啲辛苦。總體覺得依間餐廳食物水準一般，個人認為下午茶餐可以改較有泰式風味嘅菜式，始終係泰國餐廳吖嘛。
张贴
