燒鵝大亨 (已搬遷) 新店位置

大窩口第二商場開咗呢間燒鵝大亨，開張冇耐就排晒長龍，今日早咗少少收工，決定嚟試吓～呢度嘅燒味原來係即場燒，即燒即賣～價錢非常親民～雙拼都係$45～燒鵝髀飯 $98真係唔係講笑，大大隻燒鵝髀，仲要啖啖肉，都只係$98～分量足足係外面嘅燒味店嘅一倍～燒鵝肉質好多汁、柔嫩，皮就好香脆，一食就知係新鮮燒好～雙拼飯 叉燒油雞飯～叉燒係半肥瘦，份量十足，叉燒唔會乾柴，好juicy~油雞幾有驚喜，肉質好似慢煮咁，勁正～所有飯都送一盒盒裝飲品，抵～呢間燒味真係一絕，唔怪得大排長龍，不過就要早啲買，因為好快賣晒～