道日本料理 (已搬遷) 新店位置

大窩口尼頭其實冇咩日本野食，我個frd lunch break 想食日本野，見OpenRice 尼間新開張冇耐，一於就賣個外賣set lunch 試下。我地2個人食左2個午市套餐，每個套餐包一份主食，一份小食同埋飲品。我地套餐既主食分別係生薑豚肉飯($66) 同埋汁燒三文魚飯($74), 而小食就2個都嗌左日式南瓜炸薯餅，飲品就係菊花茶。😳生薑豚肉飯份量好多，基本上啖啖都有肉送飯，吾會食食下得返啲飯。啲豚肉厚度岩岩好，吾會太簿，而且每塊豚肉既肥瘦比例都好平均，食落有油脂香又吾會覺得膩。整體啲豚肉做得好高質。而啲飯同其他日式餐廳一樣都係用珍珠米，黏度適中，飯入面有好多汁，啖啖都好惹味。而汁燒三文魚飯同樣都好高質，外賣既擺盤都幾靚吾會散哂，味道方面，每塊三文魚都有好香既燒汁味，食落一啲都吾腥。個飯有蟹籽同埋溫泉蛋，蟹籽份量又係好多，每啖飯一定有吾少蟹籽，撈埋蛋汁一齊食，有咬口之餘又吾會覺得乾。其實我同我朋友剩係食完個主食已經好飽，不過個小食好有驚喜，炸皮厚度岩岩好，亦都夠乾身，食得出佢有隔過油。入面啲南瓜蓉好多，食落好飽滿。Overall 尼講尼間小店既質素係好過我預期，整體滿意，會再食😋