瀰月屋 (已結業)

日式甜品人氣店，趁熱鬧黎幫襯下。假期關係，人唔多，唔洗等。餐牌幾特別，連定食都有，不過因為假期唔係樣樣有，好彩有最想食既蘋果批。日式甜品鋪，點都試下日式甜品，要個栗子大福試下。見有爆谷都試下，有唔少味，好似有個叫咖喱，不過唔貪新鮮，都係要返穩陣既味，綠茶。大福爆谷一落完單轉個頭就有得食，栗子大福，皮夠軟，煙韌。整舊野幾淡口，係舊栗子就幾好味，大福真係好睇唔好食，唔係幾對我胃口。綠茶爆谷，粒粒都沾到色，有淡淡綠茶味，幾香口。蘋果批係呢到其中一款名物，仲好似唔係時時有。係即叫即焗，要等上一陣先有得食，賣相好似菠蘿包，上枱熱辣辣，酥皮薄薄一層好鬆脆，蘋果好清甜，加埋吉士肉桂香味，的確好食，係值得一試既蘋果批。環境日式佈局，係幾特別，仲要係堂食日式甜點，係香港好似得呢到，真係少有。係可以一試既日式甜品鋪。PS:見人有梅子茶，是日幫襯冇梅子茶，唔知係唔記得定係假期冇呢。