6:30嗰陣係可以即刻入座,但我啲朋友未到,到6:50pm已經出現咗一條長人龍.最後我哋等咗大約20分鐘
餐廳入面好大好多枱,燈光紅紅地好昏暗,搞到人好易眼瞓
1
炸芝士通心粉球: 好大舊球!! 外層係炸過嘅麵包糠,配意式蕃茄忌廉醬,仲有好多芝士絲灑喺面,好味,食完好滿足!!
水牛城香辣雞翼: 估唔到又係咁大碟!! 個醬汁幾辣好惹味,大大隻雞翼炸得好脆,配藍芝士醬丶西芹條,好好味!!
檸檬紅桑子忌廉芝士蛋糕: 本來諗住share兩件蛋糕但實在太飽喇! 所以點咗呢個檸檬紅桑子蛋糕,蛋糕大大件,我哋幾鍾意個檸檬味同紅桑子味,yummy!
