慶吉家 (已結業)

今日嚟到灣仔，距離上次嚟灣仔都好耐以前，記得次次嚟都係食燒味，因為灣仔真係好多間燒味店。今次就想試下日本嘢，朋友帶路，帶我去一間佢學生時期就經常幫襯嘅日式餐廳。入到去環境寬敞，裝修簡樸。幾似以前學生時期去嘅日本餐廳。睇咗下Menu，我就揀咗日式照燒雞扒便當($88)，睇相就覺得豐富,實物就更加吸引，一個便當有一塊雞扒，有沙律菜，又有中華沙律，仲有炸蝦，溏心蛋同餃子。真係好似小食拼盤。沙律菜切得夠碎，容易食啲。炸蝦炸皮薄，蝦肉爽彈。餃子內餡亦都好滋味。雞扒都幾香口，肉質嫩滑。朋友就揀咗燒汁牛肉拉麵 ($53)，我試咗啲麵，麵質爽彈，味道都唔錯。