紫荊閣 (已結業)

今晚喺紅磡紫荊閣訂咗枱食飯，唔係好多地方有“叫化雞”食，所以特別預訂了一份。叫化雞 : 一舊大石頭送來，就令到大人細路都好開心。妹妹揸住鎚仔揼開佢，就有一陣陣嘅荷葉雞香味飄過嚟。 雞釀入木耳冬菇紅棗等材料，一同烤焗 ; 因此吸收了雞嘅精華，如果同雞肉一起吃，特別滋味。西檸石斑塊 : 石斑塊非常鬆脆配埋香濃嘅檸檬汁，特別開胃。鐵板燒汁烤魚 : 魚非常新鮮，而且炸得脆脆配上大量洋蔥，食下零舍香口 ; 不過燒汁比較多。特別推介生炒骨 : 排骨大細適中，炸粉不會太厚，炸得脆卜卜，不會油膩。酸甜汁有酸味，亦有甜味，調教得非常好。兩者配合，份量啱啱好。 食到最後一嚿肉，都是脆的， 而且冇多餘的汁留在碟底。銀芽鴛鴦撈麵 : 麵條不會太淋，味道亦不會太鹹。 可能已經吃得太飽，所以感覺比較普通。