影片
更多
2023-05-17
55 浏览
旺角女人街一向都多食店，忽然間想食燒肉都有間喺左近。大眾燒肉酒場嘅大名就聽過好多次，我嘅覓食之旅終於輪到佢。食燒肉最怕油煙大，餐廳用咗電熱爐確保肉唔會咁易over cook, 同時又唔會食到一身都係油煙味。牛食雞個名好繪型繪聲，就係牛肉包住半熟蛋黃嘅串燒， 口感好飽滿。牛嘅油脂夾埋蛋黃嘅味道唔會太膩。火炙自信作和牛職員會即場火炙和牛片，燒到剛剛好就即刻包住紫蘇葉同埋其他餡料， 加上香濃嘅蛋黃醬令到口感creamy 得嚟又會有紫蘇葉嘅清新口感。千本筋係位於牛腱心嘅中間部位，每隻牛牛大約只得600g 左右， 所以係稀有嘅牛肉食材。肉質比想像中柔軟，均勻分布嘅牛筋，每啖亦散發住香濃嘅牛味。和牛五花即係牛胸腹嘅部分，油花比較多，油膩感相對較重，肉質口感頗為彈牙有嚼勁。手切封門柳封門柳就係牛嘅橫隔膜內部嘅肉，相對上肉嘅顏色會較深。油花相對上較少，取而代之嘅係肉質柔嫩，牛味香濃嘅味道。厚切牛舌心識食一定係食牛舌心，燒到外層脆脆地內裏都仲係好juicy。黑毛和牛小排部位大約係前胸肋骨位置附近，因為近骨嘅位置，唔會有太多油分，牛味好香濃，有少少似食嘅漢堡扒嘅感覺。和牛霜降·赤身盛油花分布好平均，每邊燒
旺角女人街一向都多食店，忽然間想食燒肉都有間喺左近。大眾燒肉酒場嘅大名就聽過好多次，我嘅覓食之旅終於輪到佢。
食燒肉最怕油煙大，餐廳用咗電熱爐確保肉唔會咁易over cook, 同時又唔會食到一身都係油煙味。
牛食雞
個名好繪型繪聲，就係牛肉包住半熟蛋黃嘅串燒， 口感好飽滿。牛嘅油脂夾埋蛋黃嘅味道唔會太膩。
火炙自信作和牛
職員會即場火炙和牛片，燒到剛剛好就即刻包住紫蘇葉同埋其他餡料， 加上香濃嘅蛋黃醬令到口感creamy 得嚟又會有紫蘇葉嘅清新口感。
千本筋
係位於牛腱心嘅中間部位，每隻牛牛大約只得600g 左右， 所以係稀有嘅牛肉食材。肉質比想像中柔軟，均勻分布嘅牛筋，每啖亦散發住香濃嘅牛味。
和牛五花
即係牛胸腹嘅部分，油花比較多，油膩感相對較重，肉質口感頗為彈牙有嚼勁。
手切封門柳
封門柳就係牛嘅橫隔膜內部嘅肉，相對上肉嘅顏色會較深。油花相對上較少，取而代之嘅係肉質柔嫩，牛味香濃嘅味道。
厚切牛舌心
識食一定係食牛舌心，燒到外層脆脆地內裏都仲係好juicy。
黑毛和牛小排
部位大約係前胸肋骨位置附近，因為近骨嘅位置，唔會有太多油分，牛味好香濃，有少少似食嘅漢堡扒嘅感覺。
和牛霜降·赤身盛
油花分布好平均，每邊燒大約十幾秒就夠，入口即溶嘅感覺令人口腔大滿足。
和牛三角腩
三角腩嘅肉係分布喺牛嘅肩胛位置，脂肪分布豐富，燒出嚟爆香牛油味，肉質相當鮮嫩。
和牛沙巴當
重頭戲必點之選，沙巴當係日文嘅發音，指牛「羽下」嘅部位。即肩里肌與肋骨之間嘅肉。一般喺香港嘅日或燒肉店相當罕見。沙巴當有位結構緊密嘅霜降油花分布，油脂甘甜得嚟肉味亦都香濃。
张贴
