薩莉亞意式餐廳 (京瑞廣場1期)

营业中

休息中

依日假期同屋企人嚟到依度食嘢，其實全因為酒樓等咗半個鐘都無位，就黎呢度試吓啦！以前都有幫襯過，但係唔係依間分店。每次都會點依個水牛芝士食，用嚟做前菜幾好，但係屋企人就覺得咸咗啲。呢個粟米pizza令我有啲失望呀，因為佢啲粟米散修修嘅感覺，仲有好似罐頭裏邊啲粟米嘅水都係Pizza上邊咁。呢個飯我唔記得係咩名，只記得都好香濃嘅芝士味同埋小小燒焦嘅飯香。唔錯啊！我自己都幾鍾意依間店嘅意粉口味，今次第一次食明太子意粉估唔到味道好夾！意粉軟硬適中，咬落去明太子一粒粒卜卜趣。腸就係屋企人鍾意食嘅，我覺得太鹹啦。呢份燒魷魚好香口呀！加埋啲汁落去啲香味出晒嚟，味道吸引依家菠菜煙肉就同我地睇餐牌嘅有好大區別！非常之唔靚仔！你咩都其實係OK嘅。呢個朱古力甜品好香濃，但係建議大家如果想食要早啲叫，因為佢係冰格度攞出嚟，非常之硬，要嘆番熱等佢軟少少先食。食落去嘅感覺就好似生朱古力咁樣，好濃郁！ 另外喺呢度我好開心嘅就係可以加錢無限添飲啦！我係好需要飲好多嘢嘅吸水大苯象，可以飲到咖啡、綠茶、果茶等。不過呢度嘅嘢食可能味精同埋調味料都唔少，屋企人話食完之後半個鐘感覺口乾。所以嚟呢度食嘢最好一邊食一邊飲夠嘅飲品。