影片
更多
2017-06-02
470 浏览
今日去尖沙咀酒窩慶祝朋友生日，上網見到介紹話呢度d湯底好有特色，環境亦好正，於是決定走黎試試，一入到餐廳己經覺得好舒服，感覺高級，見到個餐牌都靚過人，就知朋友真係無介紹錯，不過開始有少少擔心價錢會唔會好貴........^_^''' 呢度環景真係好好，樓底又高，燈光柔和，有別於一般火鍋店！店外有個小露台，完全唔似火鍋店，唔講以為係一間酒吧西餐廳，呢個fusion感覺真係好有feel呢 ^^ 2個人平時出去打邊爐叫既野食有限，但呢度有呢d set就啱晒2人食，我地最後揀左酒鍋三十道豐味套餐每位$328，估唔到呢個環境用呢個價錢就己經可以食到高級邊爐，我地都覺得好surprise，我即刻放下心頭大石...哈哈!!! 不過我地女人仔就話食景己經夠, 但男人始終要好味同飽肚，睇下呢點佢地又做唔做到先。 開爐前先黎個自助調味架，十幾款配料等你慢慢配。 叫埋飲品，有好清潤解渴既竹庶茅根同紫貝天葵，最正當然係呢個燈泡造形杯啦, 好可愛呢^^ 先上小食一碟，有雞翼、豬頸肉、油炸鬼配黑松露醬、紫蘇蝦餅，炸物全部即炸，上枱時熱呼呼，咬落口非常香脆！最出色同特別係油炸鬼配黑松露醬，真係好香好惹味。 我地點左
呢度環景真係好好，樓底又高，燈光柔和，有別於一般火鍋店！店外有個小露台，完全唔似火鍋店，唔講以為係一間酒吧西餐廳，呢個fusion感覺真係好有feel呢 ^^
2個人平時出去打邊爐叫既野食有限，但呢度有呢d set就啱晒2人食，我地最後揀左酒鍋三十道豐味套餐每位$328，估唔到呢個環境用呢個價錢就己經可以食到高級邊爐，我地都覺得好surprise，我即刻放下心頭大石...哈哈!!! 不過我地女人仔就話食景己經夠, 但男人始終要好味同飽肚，睇下呢點佢地又做唔做到先。
開爐前先黎個自助調味架，十幾款配料等你慢慢配。
叫埋飲品，有好清潤解渴既竹庶茅根同紫貝天葵，最正當然係呢個燈泡造形杯啦, 好可愛呢^^
先上小食一碟，有雞翼、豬頸肉、油炸鬼配黑松露醬、紫蘇蝦餅，炸物全部即炸，上枱時熱呼呼，咬落口非常香脆！最出色同特別係油炸鬼配黑松露醬，真係好香好惹味。
我地點左四國豐味，原來係湯底有四款咁解！分別有新加坡既肉骨茶、台灣既麻辣、馬來西亞既喇沙、同香港既椰子雞！我習慣先飲湯，每款都試一下！其中我最鍾意係肉骨茶湯底，好香濃藥材味，肉排好軟好入味！而壽星比較鍾意椰子雞清清淡淡既味道！真係好似媽媽煲既湯一樣！另外，麻辣同喇沙湯底都比較辣、濃味！同樣都做得非常出色！一次試晒4個不同口味湯底，真係啱晒貪心既我...哈哈
響鈴同炸魚皮，即叫即炸！好香脆，好新鮮，唔放落湯就咁食都好好味 ^^
再黎個活生生新鮮既小海鮮拼盆，分別有海蝦同蕃薯蜆！好大隻啊~ 我地將海鮮放係比較清淡既椰子雞湯底中，口感彈牙，而且非常鮮甜呀！
肉類方面有安格斯牛頸脊，牛頸脊脂肪比例好好，食落好有牛肉味，牛肉質感夠晒軟淋，我呢d牛fans真係大愛呀~
另外仲有黑毛豬腩肉，豬腩肉好滑、油脂分佈剛剛好，食落口感真係一流！
另外，仲有其他火鍋配料都好好味！其中最出色既係手打蝦丸同墨丸，人手造真係好彈牙！
唔好睇佢每樣配料都得每人一件好似好少，食完成個set其實真係會好飽肚架！因為本身湯底裡面既配料都唔少，飲埋湯就更加飽同滿足，以呢價錢呢個環境加埋呢個食物質素，真係絕對值得一試！
张贴
