鳴橋燒肉料理 (已結業)

好想食放題皆因好耐冇食過。之前同事介紹過喺砵蘭街有間鳴橋燒肉日本料理，食物水準都唔差，價錢又大眾化。店舖開業都好幾年裝修一般，地方唔算大,但勝在燒烤爐嘅抽煙系統好先進，係向下抽走啲煙，令到油煙幾乎絶跡。食物方面需然唔夠其他大型日本放題多款式,但食物夠新鮮味道都唔錯。最欣賞法式香草羊架，用香草醃得夠入味，肉質淋滑，唔覺有羶味。熟食方面最欣賞煎餃子，兩面煎到金黃色，外皮脆卜卜餡料多，甜蕃薯甜入心。魚生有三文魚、馬刀貝、北寄貝、甜蝦、鮑片同帶子都好鮮味。熱柚子茶最啱我，濃郁柚子味，仲有少許柚子粒，酸甜適中好醒胃。見有啲食客叫個午市套餐都好正，下次要再嚟試吓套餐。