鼎壹館 (已結業)

好多人都知天后有好多出名的食府，但一般價錢都好進取，如三五朋友去食飯，無一千幾百都出唔到門口，今次吾打吾撞去了一間新開的食府(鼎壹館)。好意㚈，味道出符我想像，由其是碟(星州喇唦煮大蝦)，送鮮炸曼頭，嘩！又熱又脆的曼頭...嗰d喇唦汁好味到想吞落肚，唯有幾飽都叫多個飯來食埋d汁！四隻大蝦連曼頭買$88，肥媽教煮都唔得啦！第二選擇就是(脆皮古桐麻香雞)，看落以為只是多芝麻，原來d皮超簿又脆，平時點都唔食皮，即使出晒名嗰d都起皮....今次又食埋...no實 肥死。最後還食了個(山西棗皇糕)，老實講，聞到d咁香的棗味以為麻麻地况且賣相普通，最重要唔多食椰汁，點知食落口，好香唔太甜，仲保持住棗的香味及椰汁味超夾，簡直是“香港的特色“，連糖水都唔駛食啦！我問人原來大廚來自有名的利X酒家，超水準，食咗八大碟餸，埋單都唔過五百，所以真忍唔住想推介俾人。