美心皇宮

营业中

休息中

呢間美心皇宮屹立沙田好多年，因為對住河景感覺都係比較高檔，今日偶然發現佢竟然有晚市火鍋任食，咁就一定要試下啦。佢嘅價錢係星期一至四晚每位$158，分兩個時段，六點或者八點開始，任食100分鐘。如果星期六日或者公眾假期價錢就係$178。另外茶錢及醬料每人$10，再有加一。一坐低每人首先會送兩隻蠔，只有一次唔可以再嗌。任食嘅食物種類都好多，我哋樣樣都有嗌啲，除咗牛肉之外一般質素都唔錯，印象比較深嘅包括有佢哋嘅鯪魚滑、蝦滑同花枝滑，用料足唔會只係一團粉。另外佢啲海鮮都唔錯，有蝦有蜆有花膠仔，最有驚喜係佢嘅白鱔柳，好少任食火鍋嘅白鱔有咁厚身同新鮮，好食到唔記得影相！不過佢上菜嘅方式係集齊你嗌張單嘅所有食物一次過送嚟，我第一轉可能嗌咗比較多食物，結果要差唔多30分鐘先上第一轉食物，結果唔係好夠時間食，有啲可惜。如果再去就可能第一次嗌少啲，之後再加，可能會好啲。整體而言，呢個任食火鍋係抵食嘅。雖然佢哋可能新做任食火鍋有啲甩漏，不過職員服務都算好好。另外佢哋可能有酒席未必晚晚會有任食火鍋，所以都係打電話訂位最穩陣。