Starry Night (已結業)

有兩種放題，係最難抗拒。一，係大閘蟹；二，係生蠔！介紹返呢個任食生蠔套餐，其實放題任食呢類真係唔敢亂推介。但呢間我覺得都可以輕輕一推，當日食冇伏（戴頭盔）！套餐就唔止得生蠔，仲有三款main course牛扒、carbonara同羊架任君選擇。講返主角生蠔，任食有南非同愛爾蘭生蠔，後者較為肥美礦物味較南非蠔濃啲，不過鍾意清爽順口就應該啱食南非蠔。主食就尚可，紐西蘭羊架比預期有驚喜，羶香得嚟肉厚嫩滑，火候控制得宜！澳洲羊架羶香得嚟肉厚嫩滑，邊沿脂肪位稍為肥膩但嗰個羶香又會令人想大啖咬埋個嚿肥膏，呢個moment就要多謝個薄荷醬幫手解除口腔嘅油膩感。另一主菜係套款嘅美國安格斯牛扒，五成熟啱啱好，軟稔細緻脂肪少。