影片
更多
2023-01-20
49 浏览
去完歐洲返嚟，最掛住就係日本燒肉！去咗銅鑼灣呢間宮崎肉本舖食yakiniku，餐廳主打宮崎A5櫻花和牛，宮崎櫻花和牛本身已經係冠軍牛，呢度供應嘅仲要達到BMS最高級嘅12級，油花密佈超平均，質素極高，我呢個牛魔王好耐都冇試過食得咁滿足🤣我哋點咗宮崎A5櫻花牛極上燒肉放題（$998） 和牛可以任食，但係一入座可以唔使點住，因為店員已經會準備定一份A5櫻花牛燒肉拼盤上枱，有五花腩、牛肋肉、內外後腿肉、和尚頭、西冷等十多個部位，好多都稀少罕見！店員另外會親自主理壽喜燒同西冷，和牛油花分佈均勻細膩，肉質呈漂亮嘅粉紅色，輕輕一燒就熊熊烈火，沾上蛋漿再放入口，口感順滑，入口即溶！西冷大塊厚身，口感柔嫩，一邊咀嚼，肉味就一邊慢慢散出來，不愧係極品！呢個放題雖然主打牛肉，但仼點嘅所有單項都非常高質，雞肉、豚肉、蔬菜都係日本直送，有品質保證！內臟都好多款選擇，例如：雞肝、雞心、雞頸等等，連少見嘅雞冠同牛腸都有得食！特別推薦以下幾款：九州和牛黑松露餃子真材實料，餡料好多和牛，食落好有肉味！忍唔住encore多一碟！蟹味噌甲羅燒平時居酒屋點嘅話都唔係平，有得仼食梗係要試吓啦！北海道一汐赤魚赤魚為深海魚，油脂
去咗銅鑼灣呢間宮崎肉本舖食yakiniku，餐廳主打宮崎A5櫻花和牛，宮崎櫻花和牛本身已經係冠軍牛，呢度供應嘅仲要達到BMS最高級嘅12級，油花密佈超平均，質素極高，我呢個牛魔王好耐都冇試過食得咁滿足🤣
我哋點咗宮崎A5櫻花牛極上燒肉放題（$998）
和牛可以任食，但係一入座可以唔使點住，因為店員已經會準備定一份A5櫻花牛燒肉拼盤上枱，有五花腩、牛肋肉、內外後腿肉、和尚頭、西冷等十多個部位，好多都稀少罕見！
店員另外會親自主理壽喜燒同西冷，和牛油花分佈均勻細膩，肉質呈漂亮嘅粉紅色，輕輕一燒就熊熊烈火，沾上蛋漿再放入口，口感順滑，入口即溶！
西冷大塊厚身，口感柔嫩，一邊咀嚼，肉味就一邊慢慢散出來，不愧係極品！
呢個放題雖然主打牛肉，但仼點嘅所有單項都非常高質，雞肉、豚肉、蔬菜都係日本直送，有品質保證！
內臟都好多款選擇，例如：雞肝、雞心、雞頸等等，連少見嘅雞冠同牛腸都有得食！
特別推薦以下幾款：
九州和牛黑松露餃子
真材實料，餡料好多和牛，食落好有肉味！忍唔住encore多一碟！
蟹味噌甲羅燒
平時居酒屋點嘅話都唔係平，有得仼食梗係要試吓啦！
北海道一汐赤魚
赤魚為深海魚，油脂豐富，製成一夜干後，鹹香中帶鮮香，肉質結實，值得一試！
自家製味噌鮮魚湯
我覺得呢度真係好有誠意，竟然味噌魚湯都係自家製！天氣凍，飲一碗熱騰騰嘅味噌湯真係好暖胃，甜品前不妨飲一碗試吓！
宮崎肉本舖和風沙律
色彩繽紛，酸酸甜甜，好開胃！
甜品
雖然真係好飽足，但係甜品係另一個胃嘛！自家製3.6牛乳奶凍口感滑溜，奶香十足！抹茶雪糕竟然係日本森永，更加係信心保證！柚子雪葩清涼消暑，可以解去燒肉嘅油膩！
好多其他任點菜式都好好食！
飲品都好多選擇。
超級滿足！會推薦朋友再嚟！
张贴
