丸作食茶 (葵芳匯) (已結業)

呢間茶飲店世界首創現場製作珍珠，強調七彩繽紛嘅Q彈珍珠完全不含防腐劑同添加物🍡最近推出「1周間必喝」，每日精選一款💲 2️⃣0️⃣嘅中杯飲品，包括招牌主打嘅奶茶、拿鐵等系列。💗殿堂級黑糖珍珠鮮奶+奶蓋($41/M)珍珠份量頗多，食落微暖煙韌，越咬個黑糖味都依然係到，證明煮到入哂味。中間加入明治鮮奶，奶味香濃而且質感順滑🥛面層再加綿密濃稠嘅忌廉芝士奶蓋，令奶香份外醇厚，不過鹹香味唔夠重🧀平時黑糖冇得揀甜度，呢間就有得選擇，悲傷小姐建議微糖已經好足夠。💗丸作水果茶+荔枝丸($46/L)茶底可以揀初䙗茉莉綠茶或阿蕯姆紅茶，今次就揀咗綠茶，茶湯順滑，不過茶味偏淡。鮮果包括有橙🍊、蘋果🍎、青檸🍋、士多啤利🍓、話梅等，果味十足，酸甜可口。荔枝丸純白圓潤，口感Q彈，味道同新鮮荔枝果肉好似。因為水果同珍珠都有甜度，亦揀咗微糖，不過偏甜膩，唔夠清爽消滯🍹💗宇治抺茶白玉($32/M)採用靜岡宇治抹茶，飲完濃郁嘅茶香會留係口腔，唔會係普通綠茶粉開出嚟個種🍵不過即使揀咗半糖都略嫌太甜，蓋咗綠茶獨有嘅回甘味。同鮮牛奶完美搭配，奶味再重d效果會更加好。原來白玉係嚼勁十足嘅原味珍珠，悲傷小姐覺得配小丸子個種軟糯口感會更加夾