HASH CAFE (已結業)

近來興飲果茶，周圍都係茶飲店，連天頌都有啦！呢間HASH岩岩過左試業期，裝修好靚，有個大鳥籠係餐廳中間，可惜今晚人多坐唔到tim。試左個芝士磨菇釀雞翼，50幾蚊一客有5隻，中間有好濃芝士同磨菇，肉質嫩滑。伴碟仲有一大碟油醋汁沙律菜同車厘茄，顏色豐富夠哂健康。朋友近排要減肥，話要食多啲菜，點左個芒果雞肉沙律，5顏6色個樣都幾靚。墨汁+risotto係賣飛佛，仲有3粒大大帶子，呢個飯合哂我心意！黎到點可以唔試下個果茶，茶底係用四季春茶，茶味好清香，成杯果茶好清新又唔會太甜，係夏天好選擇！加多個士多啤梨吐司，雪糕加埋杏仁片真係添香不少！