阿里郎熱狗棒 (已結業)

今日去左旺角，終於有機會一嚐近期勁hit既韓式熱狗棒餐廳Arirang Hotdog我地點左招牌「雙重芝士拉絲熱狗棒」同埋「芝薯拉絲熱狗棒」，另外仲叫左兩粒雪米糍。熱狗棒全部都即叫即炸，落order 之後店員就會拎去炸，所以都要等一陣先有得食。新鮮出爐之後，店員就會問需唔需要沾糖，不過我想試左原味先所以就無加，但店員就推薦話沾糖好好食，所以下次可以試下。除左沾糖之外，仲可以自由搭配醬汁，我就揀左蜂蜜黃芥末醬同埋芝士醬，所以任加，真係好正。熱狗棒入面有勁多芝士拉絲，味道同埋口感都非常濃厚。雪米糍係由原粒柑橘同埋烏梅製成，味道酸酸甜甜。夏天食超清新啊！