華輝小食 (已搬遷) 新店位置

前排朋友係大圍發現咗間手撕雞腸粉，話特別好食，今日係沙田散步順便就去埋大圍試下傳說中的大熱店。大圍A出口行無兩步，就見到唔少人係到排隊，我地快快脆排上去。由於多人等，落完單會俾個牌你等，個鈴聲都幾大下，響時嚇咗我一跳😂由排隊落單到拎到雞差不多要廿分鐘。由於外賣，返到去已經漏咗汁。打開飯盒，原來入邊雞同腸粉係分開好的，乍看不算多。腸粉就淋咗花生醬，味道不算濃。bb辣手撕雞即係唔辣，鹽水略重，不過肥瘦相宜，連皮帶肉，同偏淡的腸粉都幾match。如果腸粉都有芝麻就更正啦。都算係過得去，但覺得無相傳中好味到不得了。