最近去咗翔龍灣嘅茶皇殿食晚飯，係一間典型商場酒樓，環境明亮寬敞，坐得舒服，氣氛輕鬆。今次重點係想食羊腩煲，點知有驚喜加碼！
2
🏅古法雙冬羊腩煲（$298）
上枱時成煲熱辣辣，份量大到4個人都夠食。羊腩處理得好好，非常腍，但完全唔覺肥膩；配料超豐富，有冬筍、冬菇、馬蹄、枝竹，冬菇尤其厚肉又滑，吸晒汁好惹味。仲附送一大碟生菜，夾埋羊腩煲一齊食，解膩又平衡。
🏅燒鵝皇（$1）
晚市堂食加一蚊送燒味，有乳鴿、雞同燒鵝揀，我哋揀咗燒鵝皇，冇諗過一蚊都有半碟份量咁大方，仲有隻鵝髀！皮脆肉嫩，鹹香適中，完全唔係應酬式送菜。
唔使 $300 就有齊大煲羊腩、生菜同燒鵝，食得飽又食得好，性價比非常高，餐後還送糖水，係地道又滿足嘅一餐。
1
