大瀛喜日本料理 (已結業)

最盡興都係食放題😆✨又抵食又多種類旺角大瀛喜剛裝修好就決定book呢間食晚市放題入門口就見到自助區可以自取嘅食物都唔少轉個彎就見到用餐區原來入面空間好大都容納到好多人依道用qr code落單每碟食物嘅份量都係小小的咁就可以試多啲不同款式刺身都有十幾款我地最中意食就係北海道帶子夠厚切而且肉質彈牙實在叫咗好多round刺身 質量都無差到 而且數量足熟食中我最中意就係燒羊鞍少少羶香 肉質軟腍 西京燒比目魚都非常好味燒到外皮香脆 醬汁香甜入味自取區有前菜、熟食、飲品、甜品、雪糕我地攞咗雪米滋食 入面有果醬 幾好味最後就點埋haagen dazs雪糕作結好滿足嘅一餐