復興行

营业中

休息中

聽聞滷水大墨魚係大澳著名小食之一，行混全大澳咁滯淨係見到呢間有得賣。雖然好多烏蠅飛過，都決定幫襯。一碗賣$60，都唔平，不過無得揀，即管試試。店員將大墨魚剪細至一口大細既一舊舊，放滿一個碗。大墨魚都幾爽脆，算新鮮啦，不過滷水味可以再濃d，而家唔係好入味，要點多d滷水汁食先夠味。店員服務好好，仲建議我地拎住佢d大墨魚影相。咁好客嘅服務，一定要俾個笑臉佢啦。原來裏面有位可以坐，正啊！可以坐低休息下，又唔會趕人走。