橫水渡小廚

营业中

休息中

早前放大假第一次到訪去大澳，行完山攰攰地就搵咗一間餐廳抖吓同食野。由於我地入庭時間比較早，當時只有我地一枱客，店舖仲有好可愛嘅貓貓，應該係屬於店內嘅貓，同佢玩吓就開始食飯。各位貓奴可以去偶遇吓，佢會好主動嗲人同鍾意俾人拍屁屁。咸鮮蝦乾荷葉籠仔飯 $178籠仔飯基本上係人人必點菜式，皆因噱頭特別。一籠足夠2-3人享用，底層以荷葉盛載，如大山一般嘅飯混合蝦乾、魚柳、魷魚、白飯魚、蝦醬等食材。口感係幾豐富，但無咩荷葉香，味道上亦唔算特別出色。香煎墨魚餅 $138墨魚餅亦係店舖人氣之選。雪白嘅墨魚餅外層煎得薄脆，咬落彈牙，稍嫌略油。