Nomads (已結業)

今日約咗個朋友尖沙咀食飯，間餐廳裝修幾得意，唔講唔知已經開業20幾年，店內裝修好有大漠風情，座椅都有白色毛毛。店內主打蒙古燒烤晚餐，你可以自選一啲食物配料造主菜，跟住有個buffet。另外你可以單點他們的套餐一個扒類加半自助buffet，而家買一送一，價錢真係好抵。個buffet出面有少少沙律，蔬菜，青口，生蝦，魚塊，蜆及炒麵，食物賣相都唔錯，幾新鮮，服務員會不斷添加，感覺比較衛生。主菜就是一個蒙古甜辣將羊T骨羊扒配石燒，上枱熱辣辣有少少鐵板效果，羊肉非常柔嫩又滑，羊味夠但不會過羶，個汁幾惹味帶點酸甜。大漠去骨春雞配石燒，雞肉好滑又多汁，燒春雞份量都幾大，調味剛好，非常之好吃。最尾仲有甜品，份量唔多，不過有一個新鮮嘅冬甩，算係幾有趣。價錢來講真係十分實惠，有個半buffet加埋個扒，買一送一埋單都係$250，兩個人來講係尖沙咀都值得一試。