香港烏賊中心 (已結業)

相當大堆頭的刺身拼盤。由於天天有飛機貨返，這裡的刺身總能保持新鮮。是晚吃到的，有金目鯛、胡椒鯛、平政、拖羅、八爪魚等，件件厚切，不管是白身魚或是赤身魚，均爽甜、鮮美，只是八爪魚有點點韌，須要花多些時間去咀嚼。來到烏賊中心，無理由唔食烏賊咁茂李架！其實在門口的缸，一隻隻生猛的烏賊，已是信心保証。成品出來，頭部仍會郁的，而煙煙韌韌的質感，亦討人歡喜，能再鮮甜一點就更好。大家問我敢唔敢食白子，點解唔敢呢? 柔軟又creamy的口感，加上鮮味，人間極品，唔食就笨。吃過幾款刺身，就以色彩繽紛的野菜間一間場。露筍、甘筍、青瓜、白蘿蔔，以致蕃茄，統統是日本產地，爽脆之餘，鮮甜度亦教人讚嘆不已。接著，便是兵庫縣的生蠔了。生吃的，蒸熟的，各一。先食生的，灑點檸檬汁，質素都唔錯。但相比之下，以清酒蒸熟的，隻隻飽滿，鮮甜一萬倍，超級好吃。已飽了大半，此時，服務生幫我們收拾桌面，為即將送來的熱食作準備。當吞拿魚骹端上來時，我當場呆了，使唔使大得咁誇張? 以咁大條魚去計，肉質可算嫩滑，近血脈位的，肉味更加濃郁，總的說是有水準。仲有墨汁麵，其實我頗喜愛吃這黑漆漆的麵條，呢度既出品，口感幾好，除了墨汁味，還帶點點像