富粥 (已結業)

幫襯左富粥幾年，一向是食腸粉同紅豆沙，有次試左佢既粥，估唔到出奇綿滑同夠味。見到有時令蟹粥，作為海鮮怪既我又點能錯過。Order左魚片蟹粥，一上枱即刻試一啖粥底，果然無令我失望，綿滑既粥底帶有蟹既鮮甜味，仲加左薑片辟左海鮮既腥味。大大隻既蟹佔左碗面八成面積，咬一下啖啖肉，又鮮甜，真係大滿足。比起出面既所謂蟹粥，貴得來又無蟹味，今餐真係抵食到不得了。美中不足既係魚片太多骨，食得唔太爽，下次可以要魚腩或者淨蟹粥。十分推介，因為真係好好味！！！支持小店！