龍鳳號 (已結業)

身為觀塘打工仔，野食選擇唔少，但講到壓力大/心情差想食返餐大滿足午餐嘅話，個腦就會即刻諗起龍鳯號！我通常會叫雞脾/排骨餐，勁多肉，炸得好香脆，唔粉，分埋畀同事都未必食得曬！主食唔係普通白飯，有惹味魯肉飯，仲可以揀拌麵、拌米粉或者湯麵，個肉燥係超足料，食哂成個粉都仲有淨，美中不足係有少少油（不過魯肉飯都正常）除咗肉同麵飯之外，仲會附送湯同蔬菜，照顧你均衡飲食～ 湯就一般啦，冇咩特別評價，菜就每次唔同，做法頗有台灣感覺，有時會有萵苣，幾得意。加9蚊可以揀啲養生飲品，之前飲過洛神花茶同百香果，味道啱啱好，唔會好甜，個樽仲好靚～