野間料理

呢間新開嘅日式家庭料理餐廳，都好適合情侶黎食，平日晚市都差唔多滿座。

月見厚燒牛舌香蔥釜炊飯值得一試，厚燒牛舌咬落鮮嫩多汁，富有嚼勁，配上半熟月見蛋與香蔥嘅點綴，拌勻飯一齊食，非常美味可口。

蟹肉柚子奶油・吉列北海道松葉蟹餅烏冬都幾好味😋，蟹餅炸到外層香脆，內裡濃郁香滑，烏冬吸滿咗醬汁，每一口都充滿滋味。

濃厚鐵觀音忌廉・半熟法式吐司 配蜂蜜、果仁都好吸引🤩吐司入口香軟，半熟嘅質感好軟綿綿，蜂蜜嘅甜美與果仁嘅香脆為呢道甜品更錦上添花。

飲品叫咗杯檸檬茶，茶味香濃。