影片
更多
2022-12-01
38 浏览
完咗Event孖住 @sumfoodsharing 慶功，有幸去試業中嘅 鮨悠 @sushiyuuhk 嘆Omakase！話說姐都有少少嘴刁，但係成個用餐體驗真心好正 😋 正餐之前有日本茶道體驗，學習沏茶與品茶嘅方法，抹茶打到起哂泡非常治癒🍵 飲完茶、打完卡就開始入戲肉喇～ 星星項目係今餐 favourite ⭐🌽 先付三點蟹肉清湯羊羹 - 啫喱包住蟹肉絲，靚伊達玉子 - 將壓碎蛋黃包住蛋白粒，有層次，配蛋黃醋醬唔錯白梅貝方汁 - 爽口，浸足三日好入味🐠刺身七選⭐ 鮫鰈魚三吃 - 薄切配竹炭鹽帶出魚鮮 + 芽葱卷點酸汁超爽口 + 魚邊煎香超香濃，第一品已經有驚喜！⭐ 北海道厚岸真蠔 - 肉身肥厚、質地嫩滑，配土佐啫喱 + 柚子皮，令人回味無窮鏗魚 - 師傅用咗只會出現喺秋季至春季嘅 #幻星鏗 ，呢種魚約200條鰹魚先會出現一條，魚脂豐富、味甘、油脂比例均勻且具有咀嚼感，配合師傅即場切嘅枯節 (木魚花碎) 、食用菊、葱、日本茗荷，口感好有層次！⭐ 貝類 - 北寄貝配青檸汁 / 活赤貝配柚子皮 ，兩者爽口得嚟好彈牙，食得出好新鮮北海道毛蟹 - 啖啖肉，加埋蟹膏一定好味，望住師傅燒蟹膏非常治
正餐之前有日本茶道體驗，學習沏茶與品茶嘅方法，抹茶打到起哂泡非常治癒🍵 飲完茶、打完卡就開始入戲肉喇～ 星星項目係今餐 favourite ⭐
🌽 先付三點
蟹肉清湯羊羹 - 啫喱包住蟹肉絲，靚
伊達玉子 - 將壓碎蛋黃包住蛋白粒，有層次，配蛋黃醋醬唔錯
白梅貝方汁 - 爽口，浸足三日好入味
🐠刺身七選
⭐ 鮫鰈魚三吃 - 薄切配竹炭鹽帶出魚鮮 + 芽葱卷點酸汁超爽口 + 魚邊煎香超香濃，第一品已經有驚喜！
⭐ 北海道厚岸真蠔 - 肉身肥厚、質地嫩滑，配土佐啫喱 + 柚子皮，令人回味無窮
鏗魚 - 師傅用咗只會出現喺秋季至春季嘅 #幻星鏗 ，呢種魚約200條鰹魚先會出現一條，魚脂豐富、味甘、油脂比例均勻且具有咀嚼感，配合師傅即場切嘅枯節 (木魚花碎) 、食用菊、葱、日本茗荷，口感好有層次！
⭐ 貝類 - 北寄貝配青檸汁 / 活赤貝配柚子皮 ，兩者爽口得嚟好彈牙，食得出好新鮮
北海道毛蟹 - 啖啖肉，加埋蟹膏一定好味，望住師傅燒蟹膏非常治癒
⭐ 鹿兒島間八魚 - 體長2m以上嘅大型鰤魚先會稱為「間八」，係珍貴嘅高級壽司食材；口感濃郁香醇但唔腻，刺身同火炙係兩種唔同嘅感覺！
煙燻大拖羅 - 用櫻花木燻香日本大間吞拿魚腩，fatfat拖羅頓時變得彈牙，櫻花蝦乾香、蘿蔔苗微辣，幾特別
食完刺身師傅送咗 青吉啫喱 + 煙燻大根配cream cheese 畀我地清清味蕾，估唔到大根配cream cheese咁夾，好好味！
🍱 和食
石川里芋煮 - 第一次食里芋，我女人戈人為係魚蛋 XD 點諗到芋頭會Q彈
⭐ 布甸蛋 - 超正，將日本蛋整到布甸口感，面有焦糖，好似食緊Crème Brûlée咁
⭐ 五彩米通和牛 - 呢個又係食到舔舔脷，和牛啖啖濃香油脂，米通剛好中和肥腻感；配芥末籽醬、黑豆、銀杏一齊食，好有日本新年喜慶氣氛
🍣 壽司六貫
帆立貝壽司 - 軟綿綿，係成人嘅綿花糖 🌝
⭐ 梭子魚 - 肉質幼嫩鮮甜，加少少磨香嘅芝麻好味
⭐ 赤鯥魚 - 再嚟一條九州魚王，赤鯥魚係野生深海魚，無得捕魚要好運先釣到，身價好貴架，咁就俾我一啖食咗哈哈，配切短嘅長白葱正呀
⭐ 牡丹蝦 - 最鍾意佢膠膠地嘅口感，配蝦頭膏食真係好Rich，成隻蝦冇浪費
中拖羅 - 一個字：鮮！
⭐ 北海道根室白海膽配鮑魚 - 白海膽又大又長，味道清雅，呢種Protein我OK！鮑魚勁QQ，撈埋鮑魚肝醬飯食，濃味獸實愛！
🍨 甜品
蝶豆花水信玄餅 - 賣相精緻，有黃豆粉、黑糖、紅豆三種配料，我最鍾意黃豆粉嗰種烘焙香氣，齒頰留香
有冇留意每隻碟都好靚呢，師傅好有心機逐隻搵match返道菜架🍽️ 全部都係日本傳統工藝九谷燒彩色瓷器餐具，視覺同打咭效果一流！經理 Catherine 招呼周到，對食材了解程度不下師傅，保證你成餐飯獲益良多。臨走仲收到用水引禮封包嘅小禮物，好貼心🍬
睇過 Lunch Omakase 唔算貴，仲有相宜 Set Lunch揀，搵日一定要再嚟呀～～ （痴線打左千幾字，真係好食🥰）
张贴
