熨烤達人 (已結業)

今日去左一間好特別既韓燒店，以前食韓燒，都會覺得好大油煙又同埋環境唔好，但係今次呢間韓燒店環境好modern,而且爐上面會在一條管即時吸走啲油煙，好貼心，黎到呢到當然就要食燒肉，除左燒肉之外，仲帶其他好吸引既熟食。呢度既配茶係無限任加架，爐邊仲有蛋，可以將芝士同粟米加落去一齊煮，食完可以叫侍應再加。燒肉方面，我地叫左調味五花肉，燒完之後用生菜夾住黎食，可以平衡返肉既油膩感。熟食方面，我地叫左芝士燉飯，啲芝士係拉絲架，架正！另外，我地仲叫左水冷麵。呢個水冷麵我覺得係必點既，我本身諗住應該無咩特啲，點知水冷麵既調味係做得非常好，而麵既質感有好有咬口，一流！飲品方面，我地就點左兩杯沙冰，我就鐘意朱古力沙冰多啲。