蟹慶 (已結業)

🦀到左食蟹季節，去蟹慶食返個蟹宴先！🥢「特選會席套餐」菜式包括：-蟹肉三文魚籽沙律 -時令刺身（赤蝦、帆立貝、油甘魚、拖羅）-黑魚子海膽蟹肉蒸蛋-日本時令活蟹（香箱蟹）-喜之次-甲羅燒配多士-浜燒雪場蟹腳-松葉蟹釜飯-海鮮湯（茶壺）-日式芝士蛋糕-奶凍配抹茶蕨餅📖成個會席套餐既設計都好識利用淡味食材(如蒸蛋同米餅多士)去襯托蟹嘅鮮味，每道蟹料理都用左唔同煮法，包括冷盤、蟹肉蒸蛋、蒸香箱蟹、燒蟹腳、甲羅燒、釜飯同海鮮湯，令成個套餐更豐富🍲蒸香箱蟹嘅蟹肉、蟹膏同蟹籽上碟時已分開拆曬出嚟，非常方便食用；時令剌身同蟹都好新鮮，除左蟹出色之外，估唔到喜之次都炸得咁薄脆，逼曬啲魚油出嚟；職員喺桌上即撈嘅釜飯好有觀賞性，釜飯加入左黑松露稍微搶左蟹既主角光環，隔住一段距離都聞到濃濃既黑松露味，食落口更加係又香又彈牙；最後既海鮮湯同甜品完滿左成件事，真係大滿足呀！📍蟹慶地點位於銅鑼灣SOGO隔離地庫，日式木裝修非常舒適；進食期間唔小心整跌左三文魚籽係張櫈，職員即時幫我抹走，怕我坐落去整污糟件衫，非常貼心；每道菜都好美味，無咩可以挑剔，絕對會Encore！