影片
更多
2019-06-26
66 浏览
今日我哋又嚟到熟悉嘅荃灣，近呢年喺一間好出名嘅米線旁邊開咗間爐端燒，一直都好想試下，所以嚟講今日就同個老死一齊試啦。成間餐廳都充滿日本嘅佈置，仲有少少浪子嘅感覺。兩個大男人食串燒由於驚唔夠飽，所以今次除咗串燒之外我哋都食咗兩個飯。大家睇到串燒個價位都算係經濟實惠忌廉薯餅。呢個真係一定要試嘅菜式，薯餅炸到金黃色，咬落去外脆內軟，薯餅入邊嘅忌廉非常澎湃，同時亦非常嫩滑，咬落去嗰下真係有種心心眼嘅感覺。廣島蠔芝士燒。呢個又係另一個推薦嘅菜式，廣島蠔本身嘅蠔味唔算太突出，不過加埋融化咗嘅芝士感覺非常juicy燒豬大腸就比較薄身，不過佢做到脆卜卜嘅效果，同時都有一陣燒烤嘅燒焦味，嚟得食串燒，都係為咗呢種味嚟嘅嗻，所以呢件非常滿意。雞軟骨黃金燒。燒鷄軟骨都夠乾身同夠鬆脆，都幾有咬口，用嚟送啤酒就正喇。燒茄子。燒茄子本身我以為係一大條開邊嗰隻，點知原來係三小件，食落比較煙韌同埋乾身，我個人就比較喜歡重慶燒烤嗰隻茄子。黑豚五花腩。呢個五花腩嘅燒烤味都係幾突出，五花腩配合咗黑椒同芝麻等等，食落係唔錯嘅。蟹膏海鮮炒飯。呢個炒飯比我想像之中好食，炒飯夠乾身，而且都夠惹味，但就噉食落蟹膏嘅味道唔算出，不過海鮮
今日我哋又嚟到熟悉嘅荃灣，近呢年喺一間好出名嘅米線旁邊開咗間爐端燒，一直都好想試下，所以嚟講今日就同個老死一齊試啦。
成間餐廳都充滿日本嘅佈置，仲有少少浪子嘅感覺。
兩個大男人食串燒由於驚唔夠飽，所以今次除咗串燒之外我哋都食咗兩個飯。大家睇到串燒個價位都算係經濟實惠
忌廉薯餅。
呢個真係一定要試嘅菜式，薯餅炸到金黃色，咬落去外脆內軟，薯餅入邊嘅忌廉非常澎湃，同時亦非常嫩滑，咬落去嗰下真係有種心心眼嘅感覺。
廣島蠔芝士燒。
呢個又係另一個推薦嘅菜式，廣島蠔本身嘅蠔味唔算太突出，不過加埋融化咗嘅芝士感覺非常juicy
燒豬大腸就比較薄身，不過佢做到脆卜卜嘅效果，同時都有一陣燒烤嘅燒焦味，嚟得食串燒，都係為咗呢種味嚟嘅嗻，所以呢件非常滿意。
雞軟骨黃金燒。
燒鷄軟骨都夠乾身同夠鬆脆，都幾有咬口，用嚟送啤酒就正喇。
燒茄子。
燒茄子本身我以為係一大條開邊嗰隻，點知原來係三小件，食落比較煙韌同埋乾身，我個人就比較喜歡重慶燒烤嗰隻茄子。
黑豚五花腩。
呢個五花腩嘅燒烤味都係幾突出，五花腩配合咗黑椒同芝麻等等，食落係唔錯嘅。
蟹膏海鮮炒飯。
呢個炒飯比我想像之中好食，炒飯夠乾身，而且都夠惹味，但就噉食落蟹膏嘅味道唔算出，不過海鮮配料足以搭夠，尤其大蝦十分彈牙，亦都有魷魚同帶子充撐場面。
蒲燒鰻魚飯。
呢度都有三大片鰻魚，食落都夠軟滑， 不過個飯嘅醬汁比較少，變得有些少dry。
值得一讚就係侍應哥哥非常親切，常常主動加茶亦夠禮貌。
张贴
