麻浦元祖 (已結業)

見完客同同事食lunch，佢話帶我去食正宗韓國菜！麻浦元祖大部分店員都係韓國人，真係有種置身韓國嘅感覺~我地好肚餓，所以嗌左3個餐，估唔到份量都幾多，每個餐都跟三小碟前菜同一大碗白飯！海鮮純豆腐湯海鮮湯有少少辣，不過係可以接受，而且仲多份滋味！豆腐夠滑身， 海鮮亦足料！我覺得有d似泡菜嘅味道但多左份鮮味👏🏻牛尾湯雖然湯底偏向清淡，但牛味卻好香濃，而且仲有啖啖牛肉做湯料，用黎伴飯一流👍🏻石頭雜錦飯石頭窩保留咗飯嘅温度，上菜時仲一直冒住煙，熱騰騰嘅飯上面有紅蘿蔔、紫菜、芽菜、窩蛋同牛肉等等，將之攪伴再加入傳統嘅韓式醬，連埋帶點脆口嘅飯焦一齊食，非常滋味😋