龍城冰室

营业中

休息中

夜晚約咗幾個朋友去淘大食飯,見有幾間新開餐廳,就揀咗呢間門口都幾靚嘅龍城。見到有個小菜孖寶好似幾抵食,咁就帶咗馬拉盞炒通菜牛肉, 同埋茄子海鮮煲，另外散叫一個博朝牛仔骨。馬拉盞炒通菜幾野味，啲通菜都新鮮，牛肉都幾林，有牛味。 另外我好鍾意茄子海鮮煲，因為我鍾意食茄子亦都中意食海鮮。裏面有蝦有魚有青口，都好好豐富。另外開餐前有餐湯叫咗一紅一白，質素亦都正常。嘢飲方面叫咗三杯， 一杯係薄荷朱古力咖啡另外兩杯係紅豆冰。質素中上！最後一味菜，牛仔骨亦都係超正。因為啲牛好薄亦都好滑，完全唔會un, 個面都煎得好香, 食埋啲洋蔥真係好滋味.好開心淘大有多一間高質素嘅茶餐廳,食物好多唔同選擇, 無論每日想食啲咩都可以尼依度揀，真心不錯，下次晚飯都會再食呢間。