極尚大瀛喜日本料理 (已結業)

距離上次食放題都差吾多成年，所以真係好掛住就約咗朋友去食，依間聽朋友講都有好多款式既野食，所以就決定去試下。去到發現真係好多吾同款式既野食。除咗自己落單叫既，岀面都有好多前菜，比我地開下胃。佢有個自助沙律吧、酸瓜同埋泡菜都有。連日式小丸子都有，真係估佢吾到。我地叫咗第一輪野食，差吾多叫晒佢全部既款式既落單紙。值得推介既係佢既燒物，燒雞軟骨、菠蘿同埋牛舌都好正，佢燒得好入面而且調味都控制得好好。之後必食既魚生梗係要食啦，帶子、北寄貝、虎蝦都好新鮮，而三文魚好厚身，好足料。到野飲櫃，佢既種類都好多，有支裝茶、汽水等等。最值得一讚既就係佢有提供梅酒同埋清酒，日式酒都係我既愛號。食燒物再加清酒真係絕配。身為甜品愛號者既我見到佢有咁多款甜品，真係忍吾住想試晒佢。佢個杯既size吾算好大，所以可以小食多滋味，又可以試多啲種類。