影片
更多
2019-11-09
35 浏览
今日我們又去到朗豪坊搵食。記得之前係朗豪坊經過一間新嘅韓燒嘅餐廳，感覺都幾簡潔清新，一直都想嚟試下。今日個朋友仔就係無肉不歡，好鍾意食韓燒，去到餐廳前面，點知俾我哋見到個任食套餐，即刻唔使諗喇，馬上入去餐廳。餐廳入面都幾靚仔，因為呢度餐廳樓底好高，感覺好闊落雖然餐牌入邊好多都好吸引，但佢吸引嘅莫過於佢嘅任食套餐，真係非常豐富，起碼肉類都有六七種可以揀，同時間亦都可以任食沙律薯條等等，亦都包埋梳打，我哋順便仲加埋個黑松露嘅芝士醬。大家記得分享面書，仲可以多一個海鮮拼盤。上菜嘅時候，職員話送一碟肥牛畀我哋，呢條肥牛都真係嫩滑，真係好薄，但記得要睇住個火，如果唔係就好易燒焦啦。同時亦都上咗個沙律，用個兜仔裝住都幾特別，食落口都幾清新。主角登場喇，即係我哋嘅肉類拼盤，包括咗牛脷，雞肉，豬仔骨，牛板健，豬頸肉，一口牛，牛後腹，一應俱全。個人最推介就係牛板腱，薄切得嚟可以煎兩下就食得，而且肉質非常之冧，加埋佢哋預設嘅燒烤醬就好好食。牛脷都係另一個重點，厚切嘅牛脷食起嚟好有嚼口，亦有豐富肉汁，我哋都encore多一碟。仲有雞扒添，雞扒食起上嚟好嫩滑，加埋少少燒焦咗嘅味道更加配搭。仲有個海鮮拼盤，雖然
今日我們又去到朗豪坊搵食。記得之前係朗豪坊經過一間新嘅韓燒嘅餐廳，感覺都幾簡潔清新，一直都想嚟試下。
今日個朋友仔就係無肉不歡，好鍾意食韓燒，去到餐廳前面，點知俾我哋見到個任食套餐，即刻唔使諗喇，馬上入去餐廳。
餐廳入面都幾靚仔，因為呢度餐廳樓底好高，感覺好闊落
雖然餐牌入邊好多都好吸引，但佢吸引嘅莫過於佢嘅任食套餐，真係非常豐富，起碼肉類都有六七種可以揀，同時間亦都可以任食沙律薯條等等，亦都包埋梳打，我哋順便仲加埋個黑松露嘅芝士醬。大家記得分享面書，仲可以多一個海鮮拼盤。
上菜嘅時候，職員話送一碟肥牛畀我哋，呢條肥牛都真係嫩滑，真係好薄，但記得要睇住個火，如果唔係就好易燒焦啦。同時亦都上咗個沙律，用個兜仔裝住都幾特別，食落口都幾清新。
主角登場喇，即係我哋嘅肉類拼盤，包括咗牛脷，雞肉，豬仔骨，牛板健，豬頸肉，一口牛，牛後腹，一應俱全。
個人最推介就係牛板腱，薄切得嚟可以煎兩下就食得，而且肉質非常之冧，加埋佢哋預設嘅燒烤醬就好好食。
牛脷都係另一個重點，厚切嘅牛脷食起嚟好有嚼口，亦有豐富肉汁，我哋都encore多一碟。
仲有雞扒添，雞扒食起上嚟好嫩滑，加埋少少燒焦咗嘅味道更加配搭。
仲有個海鮮拼盤，雖然係打卡送嘅，但係原本都值成二佰幾蚊架。個人最欣賞就係兩隻鮑魚，燒熟之後非常之彈牙。
蜆方面就燒熟後感覺鮮甜，而大蝦既肉質亦都好紮實，生蠔仲特登有個錫紙兜裝住添。
伴碟方面仲有薯條添，佢哋個芝士醬係要擺喺個爐上面燒，值得一提嘅係黑松露醬比我想像中嘅濃烈，所以絕對推薦大家升級。
最後就飲品啦，我哋叫咗杯芒果梳打同埋熱情果梳打，我就覺得杯梳打味道剛剛好，相對淡味嘅梳打就中和到韓燒嘅濃味。
總結，之前我都麻麻地韓燒，因為食完之後好大陣煙味，難得呢間餐廳係無煙燒烤，食完真係唔係好覺有味，所以好推薦大家來呢度試。
张贴
