御滿屋日本料理

营业中

休息中

今日早放工諗住食埋晚飯先番屋企，唔知食咩好，同事就話不如去食放題，我地係食早割，性價比高，有唔同套餐選擇。一坐低緊係叫刺身先啦，牡丹蝦大隻，肉質爽口彈牙；三文魚厚切口感肥美；油甘魚入口幼滑鮮甜。八爪魚同北寄貝口感煙韌有彈性。芝麻雞翼炸到香脆可口，外皮脆卜卜，咬落肉質嫩滑多汁。虎皮尖椒燒到好香，辣辣地幾惹味。鮑魚仔用咗泰式醬汁，味道酸酸甜甜好開胃，鮑魚仔雖然細隻，但肉質鮮甜爽口彈牙。蒜蓉生蠔生蠔隻隻飽滿，蒜蓉醬香口惹味。海膽手卷海膽鮮甜，口感Creamy幼滑，紫菜香脆可口。雞軟骨燒得香口，好有咬口。榴連呢個必點，榴連味道濃郁，咬落外脆內軟。菠蘿香甜多汁。蟹棒天婦羅粉漿薄身，蟹棒鮮甜。