緣聚西日餐廳 (西裕街) (已結業)

朋友住元朗 今日佢話帶我去一間好抵食嘅餐廳原來係食日式放題 餐廳設於地牢 有少少隱蔽我哋坐低就先order魚生拼盤 果然好新鮮喎由其是甜蝦 入口鮮甜無比 三文魚厚切係我至愛壽司都唔錯 我哋叫了花之戀 北寄貝 火炙和牛同埋鰻魚壽司 廚師做得十分出色 壽司飯香軟適中香煎大蝦配精選汁(即係蒜蓉汁)又幾夾喎天婦羅方面 款式都幾多 order咗大蝦 魷魚花枝芝士蝦丸 紫心香芋丸及榴槤炸彈 各方面嘅粉漿都唔會太厚 食落好香脆唔會太膩最後食埋我的至愛甜品 雖然餐廳供應好多甜品但係我都係重點食和菓子同榴槤雪條又多款又抵食 難怪咁多人幫襯啦