大滿屋日本料理 (已結業)

近日心血來潮想食日本嘢，就約齊三五知己放工後去食放題放鬆一下～地點亦選擇係距離工作地點較近嘅觀塘。 環境擺設幾企理，侍應叔叔亦非常風趣～ 食物選擇相當豐富，可以滿足唔同人嘅喜好。 先上嚟嘅係泰式生蝦同蟹子沙律。生蝦要趁早食先好味～ 再嚟有燒羊架同燒鯖魚。身為羊架愛好者一定要食返個夠👅 然後到今晚重頭戲~刺身！！無論係賣相同味道都相當高質👍🏻 跟住上枱嘅係炸物同燒物，其中燒翠玉瓜同芝麻雞翼真係好好味💦 另外喜歡食沙律醬同千島醬嘅人一定要叫帆立貝北海燒，新鮮熱辣非常惹味～ 最後埋齋叫咗幾種甜品，但味道質素就明顯比主食遜色，有點美中不足。整體而言，食物同服務質素都相當不俗，以後同朋友聚會又多咗一個好去處～