影片
更多
2021-10-22
190 浏览
由於我同朋友實在太掛住日本嘅牛肉，而家又飛唔到，於是心血來潮打算搵一間燒肉放題滿足我想瘋狂食牛肉嘅心。搵完一輪之後發現呢間好似幾好，牛嘅種類多，仲有幾個套餐可以揀。我哋揀咗套餐B，澳洲和牛放題，朋友表示澳洲牛肉肉味再重啲，所以就揀咗呢個套餐。除咗燒肉之外 仲有買打邊爐，我就揀咗蕃茄龍蝦同埋南瓜牛乳湯底。首先店員送上一個刺身拼盤，所有嘅刺身都好肥美，三文魚非常厚切，其他刺身亦都係大大片，好新鮮，非常好味。跟住就係一盤日本和牛，已經溶晒雪，擺盤同埋牛肉嘅質素非常好，又有各種部位，啲雪花勁靚，口感勁juicy，不過怕肥嘅我就唔咁食禁多啦，但口感真係好正，好淋好滑。跟住就試其他牛肉，同樣好好味，澳洲牛肉味真係比較濃，如果鍾意食肉味濃嘅話可以選擇澳洲牛，同埋冇咁重脂肪，但就可能比較無禁juicy啦，但其實一樣都好正。有啲牛肉係薄切for打邊爐，火鍋配料雖然唔多，但係都有幾款海鮮，丸類，同埋一定要食佢哋嘅墨魚滑，果然好好食，食到粒粒墨魚，同埋好爽口，正！熟食方面，有壽司手卷軍艦，選擇都幾多，而且味道都幾唔錯，仲有雞軟骨、天婦羅、雞翼等等嘅小食，好滿足。 總括嚟講，我覺得呢個價錢可以食到咁多嘢絕
我哋揀咗套餐B，澳洲和牛放題，朋友表示澳洲牛肉肉味再重啲，所以就揀咗呢個套餐。除咗燒肉之外 仲有買打邊爐，我就揀咗蕃茄龍蝦同埋南瓜牛乳湯底。
首先店員送上一個刺身拼盤，所有嘅刺身都好肥美，三文魚非常厚切，其他刺身亦都係大大片，好新鮮，非常好味。
跟住就係一盤日本和牛，已經溶晒雪，擺盤同埋牛肉嘅質素非常好，又有各種部位，啲雪花勁靚，口感勁juicy，不過怕肥嘅我就唔咁食禁多啦，但口感真係好正，好淋好滑。
跟住就試其他牛肉，同樣好好味，澳洲牛肉味真係比較濃，如果鍾意食肉味濃嘅話可以選擇澳洲牛，同埋冇咁重脂肪，但就可能比較無禁juicy啦，但其實一樣都好正。
有啲牛肉係薄切for打邊爐，火鍋配料雖然唔多，但係都有幾款海鮮，丸類，同埋一定要食佢哋嘅墨魚滑，果然好好食，食到粒粒墨魚，同埋好爽口，正！
熟食方面，有壽司手卷軍艦，選擇都幾多，而且味道都幾唔錯，仲有雞軟骨、天婦羅、雞翼等等嘅小食，好滿足。
總括嚟講，我覺得呢個價錢可以食到咁多嘢絕對係可接受，食完真係心情好好，下次會再嚟。
张贴
