大滿屋日本料理 (已結業)

同事生日，應承左帶佢食好野，成日覺得觀塘無乜日本野食，今次搵到呢間放題一於食返夠本！黃金燒帆立貝帆立貝size唔算大，細細粒一啖食哂，用左芝士一齊燒，邊有得輸架。芝麻雞翼＋雞軟骨玉子彈每次放題必叫之物-芝麻雞翼！外皮脆卜卜，入面既肉質保持嫩滑，上面佈滿哂芝麻，好香口。雞軟骨玉子彈夠特別，入面真係有雞軟骨，好有咬口。芝士年糕雖然呢舊野有D濟，但係我唔捨得唔食佢呀，外脆內軟，入面有煙韌年糕，再入面係滿滿的芝士呀！牛油甜粟米其實粟米就算白烚都已經好好食，呢到加埋牛油起哂肉，點可以抵抗呀！一啖啖食夠哂爽。壽司呢到既壽司絕對值得一讚，因為舊飯夠哂細粒(黎得食放題梗係想試多D唔同既野架嘛)。蟹棒夠大條，唔孤寒，火焰太子貝壽司一口一粒，太子貝同上面既醬汁好夾呀。飲品勁勁勁多款，樽裝、盒裝、啤酒、汽水、果汁一應俱全，試左呢個楊枝甘露，甜左小小，不過好有食梗糖水既感覺。甜品其實甜品都有好多款，蛋糕、奶凍、macaroon 走唔甩，最估唔到有melona 雪條！不過太飽啦，下次先再黎食左你！