大滿喜日本料理 (已結業)

去左觀塘食放題，想講而家放題嘅質素真係好好多，食物種類多，又幾好食，今晚我同三五知己都咁覺得，去嘅係觀塘呢間大滿喜。先嚟點左刺身，佢嘅刺身都好新鮮，款式都多，仲多款式過buffet，新鮮程度又差不多，所以而家覺得食放題嘅性價比仲高，例如有榮螺， 北海道帶子， 赤蝦， 三文魚，油甘魚，甜蝦等等，全部都新鮮。另外海膽手卷都超正，因為海膽真係好新鮮，佢係好鮮甜，而手卷一向我建議都係即到即食，咁樣紫菜先會夠脆。其他仲有小食例如海蜇，帶子裙邊等都吾錯， 炸蝦天婦羅應該即點即整，上碟熱辣辣，又香又脆，都幾好食。雞翼都正，起碼隻雞翼有肉又肥， 皮脆肉嫩。最後食埋條雪條，完美嘅一餐。